Одговорна институција: Централен регистар на Република Северна Македонија (ЦРРСМ)
https://www.crm.com.mk/mk/uslugi/izvrsham-upis-ili-zavrsham-obvrska/zapishi-vistinski-sopstvenik/upis-na-vistinski-sopstvenik-na-subjekt
Уписот на вистински сопственик претставува внес на податоци за претходно утврден вистински сопственик на правниот субјект, преку дефинирање на индикаторот на сопственост, при што услугата се однесува на иницијалниот внес на вистинскиот сопственик и секоја промена на истиот.
Правните субјекти се одговорни за точноста, адекватноста и ажурноста на податоците внесени во Регистарот. Податоци за вистински сопственици се запишуваат само за правните субјекти за кои постои законска обврска да го запишат вистинскиот сопственик. Уписот се спроведува единствено електронски, преку интернет и тоа:
• Самостојно, од страна на овластеното лице за застапување на правниот субјект или
• Преку друго лице, овластено од правниот субјект да поднесе пријава во Регистарот.
Начини на користење на услугата:
- Може да се користи преку интернет (поднесува Управител)
- Може да се користи со посредство на Овластен Сметководител
- Може да се користи со посредство на Адвокат
Услугата се остварува единствено преку интернет. Потврдата се презема преку системот за пријавување на вистински сопственици од страна на овластениот подносител, во форма на електронски документ потпишан со дигитален потпис.