За Нас
Санта План, основана во 2002 година, е една од водечките компании за сметководствени и консалтинг услуги во Република Македонија, која обезбедува високопрофесионална услуга за своите клиенти.
На пазарот сметководственото биро Санта План опстојува веќе долго време, опслужувајќи голем број на успешни и задоволни клиенти.
Нашата стручност и долгогодишно искуство во полето на сметководствената евиденција и даноците преставуаат главна одлика на нашето работење.
Мотивот на сметководственото биро Санта План е да им помогне на своите клиенти во создавање на својот бизнис и неговиот развој во иднината.
Санта План на своите клиенти им гарантира услуга со висок квалитет со почитување на правилата за квалитет во обезбедувањето на услугите дефинирани со законски прописи и строго почитување на етичките правила прецизирани со Етичкиот кодекс на IFAC (Меѓународната федерација на сметководители) објавен во Службен весник на РМ број 79/2010 година.
Санта План гарантира професионална дискреција и доверба, како и перманентна и ентузијастичка експертска поддршка и посветеност на решавањето на вашите деловни проблеми во најкраток можен рок. Ви нудиме пристап до евиденцијата на вашите сметководствени настани во секое време.
Санта План ја предводи г-ѓа Каранфила Стојменова овластен сметководител со трајна лиценца издадена од Министерство за финансии. Таа е со долгогодишно искуство во областа на сметководството, јавните давачки – даноци, консалтингот како и банкарското работење.
Останатите членови од тимот на Санта План се врвни професионалци кои имаат искуство од областа на финансиското сметководство, Меѓународните сметководствени стандарди – МСС и Меѓународните Стандарди за Финансиско известување – МСФИ, даноците, финансиите, трговското право, облигациите, работните односи, итн.
Услуги
За вашето успешно работење ви ги нудиме следниве сметководствени услуги:
Финансиско сметководство
Материјално сметководство
Девизно работење
Пресметка на плати
Управувачко сметководство
Финансиско известување
Изработка на инвестициони и бизнис планови
Пријава и одјава на вработени